ForEver sumMer

在Blog静寂的这一个月里其实发生了很多很多的事，其中最大镬的当然首选N多人的毕业礼。
从小学6年，初中3年，高中3年，大学4年，身边的同龄人都基本进入了自己的工作阶段……而我，唉，还只是一个实习医生……看着大家穿上学士袍到处拍，又激动又羡慕。可能因为大家都毕业，所以基本上就是你去帮衬我，我去帮衬你，换个主角又到处影。出年我毕业，都唔知会唔会有人黎咯~中山医豆腐润甘大……基本上就系得个南门可以影……
出年毕业，讲起呢个话题就敏感……如果当年唔系高考失手语文得个全省平均分，而家就可能读紧7年制，准备选导师了……不过系呢5年以来，考研定系唔考研，5年制好定系7年制好，都唔知动摇过几多次，反复思考过几多次了。船到桥头自然直，而家总算搭埋心水好好实习，5年毕业就算了。好彩6院有向我招手的意图，去果度做开荒牛，以后应该唔错。未来5年计划：3年完成培训医师，过托福，第4年考在职研究生，第5年考主治……以后以后，读埋博士……争取出国……翻黎升副教授……升教授……升科主任……升&×（&×^（×（&^（#％^￥&×（）我傻左……
一考虑呢d问题就好迷茫，好似我以前无话过要做教授喔？但系以后睇黎你唔做教授就只系碌碌无为……做左教授就卖身买命……挣了钱无命享……唉，何苦呢？
《唱好广州2》里面的《地铁一号线》果句歌词好经典，好励志，好有共鸣……如果第日真系去六院做野，就日日“地铁五号线”了……唔知唱咩好？得闲拉黄毅成睇下可以作咩词落去，话唔定变成六院院歌，晕！
如果第日边个打算开间cafe，又唔会亏本的，我入股啊，得闲放工就去坐低饮杯mocha，约几个friend，甘先系理想中的生活。
毕业尚未到，坚持……16号开始日日比人骂，日日比人点~
最近经常游泳，不过ms Yeti毕业礼以后就没有了……可恶的考试啊，搞到我水都无得游～！&×（&×（％（……×（好多人话我瘦左……其实体重根本无下降……
倾囊而出买左部单反，结果搞到7月份无钱食饭……不过为左玩，我忍！细细个就唔明d人点解甘中意将d钱花在食物上，系我就摞黎买玩具~大个左，原来玩具都会升级的￥#％
系度祝愿各位出黎挨世界的好友，一日比一日好啊～“为了一宿三餐怎会每日也清闲，挨下去风景很美等一朝转弯～……………………”

PS:最近劲中意Olympus只广告歌《Hey Juliet》